उपाधि दाबेदार मानिएको जापानलाई हारउँदै इरान कतारमा जारी एएफसी एसियन कप फूटबल प्रतियोगिताको सेमिफाइनलमा प्रवेश गरेको छ ।

शनिवार राति भएको खेलमा इरानले सर्वाधिक ४ पटकको विजेता जापानमाथि २–१ गोल अन्तरको रोमाञ्चक जीत निकालेपछि सेमिफाइनलमा स्थान बनाएको हो ।

एजुकेसन सिटी रंगशालामा इरानलाई जीत दिलाउन मोहम्मद मोहेबी र अलीरेजा जहाँबख्शले १–१ गोल गरे । जापानका लागि हिडेमासा मोरिताले गोल गरेका हुन् ।

खेलको २८औं मिनेटमा मोरिताको गोलमार्फत जापानले अग्रता लिएको थियो । ५५औं मिनेटमा मोहेबीले खेललाई बराबरीमा ल्याउन सफल भए ।

खेलको अतिरिक्त समयमा जहाँबख्शले पेनाल्टीमार्फत गोल गर्दै इरानलाई २ १ को रोमाञ्चक जीत दिलाएका हुन् । इरान एसिया कपको ३ पटकको विजेता हो ।