काठमाडौँ । स्वावलम्बन लघुवित्तले चालु आर्थिक वर्षको तेस्रो त्रैमाससम्ममा ३० करोड २७ लाख ७२ हजार रुपैयाँ नाफा कमाएको छ । यो गत वर्ष भन्दा ६.०४% ले बढी हो । गत वर्ष यसले २८ करोड ५५ लाख १० हजार रुपैयाँ नाफा कमाएको थियो । चैत मसान्तसम्म आइपुग्दा खुद ब्याज आम्दानी र सञ्चालन नाफा क्रमशः ५.७०% र ७.३५% ले बढेको छ । यसले पनि खुद नाफा बढाउन सहयोग पुगेको हो ।

गत वर्ष ७६ करोड ९० लाख २४ हजार रुपैयाँ रहेको खुद ब्याज आम्दानी यस वर्ष ८१ करोड २८ लाख ९३ हजार रुपैयाँ पुगेको छ । त्यस्तै, सञ्चालन नाफा ४८ करोड ५ लाख ३३ हजार रुपैयाँ पुगेको छ । गत वर्ष सञ्चालन नाफा ४४ करोड ७५ लाख ९४ हजार रुपैयाँ रहेको थियो ।

गत वर्ष ०.९२% रहेको खराब कर्जा यस वर्ष बढेर १.७०% पुगेको छ । जगेडा कोष ३३.२०% ले बढेर १ अर्ब ३१ करोड ६० लाख ३ हजार रुपैयाँ पुगेको छ । यसको चुक्ता पुँजी ७९ करोड २३ लाख ९९ हजार रुपैयाँ छ । चैत मसान्तसम्म आइपुग्दा प्रतिसेयर आम्दानी ५० रुपैयाँ ९५ पैसा र प्रतिसेयर नेटवर्थ २६६ रुपैयाँ ०८ पैसा छ ।