citizens life insurance long ad
stcnepal long ad
Himalayan bank
national life

चीनमा एप्पलको आइफोन बिक्रीमा गिरावट

Prabhu Insurance Long Ad
nawakantipur long
himalayan Everest Insurance long ad

चीनमा एप्पलको आइफोन बिक्रीमा गिरावट आएको छ । सन् २०२४ को पहिलो ६ हप्तामा आइफोनको बिक्रीमा २४५ गिरावट आएको अनुसन्धान कम्पनी ‘काउन्टरपोइन्ट’ को तथ्यांकलाई उद्धृत गर्दै रोयटर्सले लेखेको छ ।

अमेरिकी प्रविधि कम्पनी एप्पलले चीनको स्थानीय कम्पनी हुवावेबाट कडा प्रतिस्पर्धाको सामना गर्नुपरेपछि आइफोनको बिक्रीमा गिरावट आएको रोयटर्सले उल्लेख गरेको छ ।

चीनमा प्रिमियम स्मार्टफोन सेगमेन्टमा एप्पलको प्रमुख प्रतिद्वन्द्वी हुवावेले भने यसअवधिमा आफ्ना फोनहरुको बिक्री ६४% ले बढाएको रिपोर्टले देखाएको छ । एप्पलले यसअघि लगानीकर्ताको अपेक्षाभन्दा ६ अर्ब डलर कम आम्दानी हुने प्रक्षेपण गरेको थियो ।

चिनियाँ बजारमा उत्पादन बिक्री घटेसँगै एप्पलको माग र आम्दानी दुवैमा थप कमी आउने अनुमान गरिएको छ ।यता, चिनियाँ स्मार्टफोन बजारमा एप्पलको हिस्सा घटेर १५।७५ मा सीमित भएको र चौथो स्थानमा झरेको रिपोर्टमा उल्लेख छ ।

गत वर्षको यसै अवधिमा भने चीनमा एप्पलले दोस्रो स्थानमा १९% बजार हिस्सा ओगटेको थियो । हाल दोस्रो स्थानमा उक्लिएको हुवावेको बजार हिस्सा भने गत वर्षको ९.४% बाट बढेर १६.५% पुगेको छ ।

हुवावेले गत वर्ष फाइभजी प्रविधियुक्त मेट ६० सिरिजका फोन सार्वजनिक गरेपछि प्रिमियम स्मार्टफोन बिक्रीमा पुनरागमन गरेको छ ।

अमेरिकाले विभिन्न प्रतिबन्ध लगाएपनि हुवावे फाइभजी प्रविधियुक्त फोन ल्याउन सफल भएको थियो । यता, उत्पादन बिक्रीमा संघर्ष गरिरहेको एप्पलले भने आइफोनको बिक्री बढाउन विभिन्न छुटका अफरहरु ल्याउन सुरु गरेको छ ।

himalayan life insurance
igi long