गुहेश्वरी मर्चेन्ट बैंकिङ एन्ड फाइनान्सको दोस्रो त्रैमासको वित्तीय विवरण प्रकाशित

काठमाडौं । गुहेश्वरी मर्चेन्ट बैंकिङ एन्ड फाइनान्सले चालु आर्थिक वर्षको दोस्रो त्रैमासको वित्तीय विवरण प्रकाशित गरेको छ ।
यो त्रैमास सम्ममा कम्पनी २ करोड १८ लाख रुपैयाँ नोक्सानमा रहेको छ । गत वर्ष पनि कम्पनी यसले ६ करोड ७० लाख रुपैयाँ नोक्सानमा रहेको थियो ।
गुहेश्वरी खुद ब्याज आम्दानी पनि ५.३० प्रतिशतले घटेर ८ करोड १० लाख रुपैयाँमा झरेको छ । गत वर्ष यसले ८ करोड ५५ लाख रुपैयाँ खुद ब्याज आम्दानी गरेको थियो ।
पुससम्ममा कम्पनी २ करोड ४१ लाख रुपैयाँ सञ्चालन घाटामा रहेको छ । यसको वितरणयोग्य नाफा ४ अर्ब ६७ करोड रुपैयाँ ऋणात्मक रहेको छ ।
यता कम्पनीको खराब कर्जा ६.४५ प्रतिशतबाट बढेर ८.१८ प्रतिशत भएको छ । फाइनान्सको प्रतिसेयर आम्दानी २ रुपैयाँ १६ पैसा ऋणात्मक रहेको छ ।
गत वर्ष प्रतिसेयर आम्दानी ५ रुपैयाँ ३७ पैसा (वार्षिक) रहेको थियो । यसको प्रतिसेयर नेटवर्थ १४८ रुपैयाँ ५९ पैसा छ ।