दक्षिणी गाजास्थित नास्सर अस्पतालमाथि इजरायली हवाई आक्रमण हुँदा पाँच पत्रकारसहित कम्तीमा २० जनाको मृत्यु भएको छ। स्थानीय समय अनुसार बिहान १० बजे भएको दुई चरणको आक्रमणबाट ५ जना पत्रकार सहित २० जनाको मृत्यु भएको हो ।

आक्रमणले आपत्कालीन सेवा सञ्चालन हुँदै अस्पतालको मुख्य भवनमा ठुलो क्षति पुर्‍याएको छ । पहिलो विस्फोटपछि उद्धारकर्मीहरू घाइतेलाई सहयोग गरिरहेका बेला दोस्रो आक्रमण भएको बीबीसीले जनाएको छ ।

प्रधानमन्त्री बेन्जामिन नेतन्याहुको कार्यालयले घटनालाई “दुर्भाग्यपूर्ण त्रुटि” भन्दै गहिरो दुःख व्यक्त गरेको छ। उनले यसबारे पूर्ण अनुसन्धान भइरहेको बताएका छन् ।