macchha(MBL)
stcnepal long ad
himalayan Everest Insurance long ad
nabil bank

औषधि व्यवस्था विभागले प्रेस्क्रिप्सनका आधारमा औषधि बिक्री गर्न आग्रह

Prabhu Insurance Long Ad
himalayan Everest Insurance long ad

काठमाडौं । औषधि व्यवस्था विभागले प्रेस्क्रिप्सनका आधारमा औषधि बिक्री गर्न आग्रह गरेको छ । विभागले सूचना जारी गर्दै प्रेस्क्रिप्सनका आधारमा औषधि बिक्री गर्न सरोकारवालालाई आग्रह गरेको हो ।

साथै सर्वसाधारणलाई पनि चिकित्सकको सल्लाह लिई प्रेस्क्रिप्सन सहित औषधि पसलबाट मात्र औषधि खरिद गर्न आग्रह गरेको छ ।

औषधि ऐन २०३५ को दफा (१७) विपरीतका त्यस्ता काम कारबाहीहरू गरेको पाइएमा सोही ऐन बमोजिम कारबाही हुने विभागले सरोकारवाला सबैलाई सूचनामार्फत सूचित गरेको छ ।

विभागबाट नियमित रूपमा हुने गरेको औषधि पसलहरूको निरीक्षणको क्रममा प्रेस्क्रिप्सनका आधारमा बिक्री वितरण हुनुपर्ने औषधि विना प्रेस्क्रिप्सननै बिक्री भएको पाइएकाले विभागले यस्तो आग्रह गरेको हो ।

प्रतिजैविक औषधिहरू समेत बिना प्रेस्क्रिप्सन बिक्री हुँदा सो औषधिहरूको व्यापक प्रयोगले रोग प्रतिरोध क्षमता अभिवृद्धि भई कतिपय अवस्थामा औषधिले काम नगरेको अवस्था रहेको विभागद्वारा जारी सूचनामा उल्लेख गरेको छ ।

औषधि ऐन २०३५ को दफा (१७)को उपदफा (२)मा चिकित्सकको प्रेस्क्रिप्सन बिना बिक्री गर्न नहुने भनी समूहकृत गरिएको औषधि (समूह ‘क’ र समूह ‘ख’ का औषधि) चिकित्सकको प्रस्क्रिप्सन बिना बिक्री गर्न नहुने व्यवस्था रहेको छ ।

himalayan life insurance
igi long
NTA long ad