काठमाडौं । विजय लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्म ७ करोड ४ लाख रुपैयाँ खुद नाफा आर्जन गरेको छ । यो गत वर्षको यसैअवधिको तुलनामा ६१.९८ प्रतिशतले धेरै हो ।

यस संस्थाले गत वर्ष ४ करोड ३४ लाख रुपैयाँ नाफा आर्जन गरेको थियो । संस्थाको खुद ब्याज आम्दानी र सञ्चालन नाफा बढ्दा नाफामा सुधार देखिएको हो ।

यसले पुससम्म २७ करोड ४२ लाख रुपैयाँ खुद ब्याज आम्दानी गरेको छ । गत वर्षको यसैअवधिमा विजयले २० करोड ४४ लाख रुपैयाँ उक्त आम्दानी गरेको थियो । यसको सञ्चालन नाफापनि ६२.५२ प्रतिशतले बढेर १० करोड ५६ लाख रुपैयाँ कायम भएको छ ।

हाल यस संस्थाको चुक्ता पुँजी ७४ करोड ५० लाख ४० हजार रुपैयाँको रहेको छ । यसको जगेडा कोषमा ४६ करोड ३४ लाख रुपैयाँ जम्मा छ । यसअवधिसम्म आइपुग्दा यो लघुवित्तको प्रतिसेयर पनि बढेर आम्दानी १८.९१ रुपैयाँ कायम भएको छ ।

गत वर्ष यसको प्रतिसेयर आम्दानी ९ रुपैयाँ ०१ पैसा रहेको थियो । यसको प्रतिसेयर नेटवर्थ भने १५८.६४ रुपैयाँ देखिएको छ । संस्थाको एनपीएल भने ७.९० प्रतिशत विन्दुबाट बढेर ८.३५ प्रतिशत विन्दुमा पुगेको छ ।