अमेरिकी सरकारले केही दिनअघि निकालेका आणविक सुरक्षा कर्मचारीलाई पुनः भर्ती गर्ने प्रयास गरिरहेको छ ।

राष्ट्रिय सुरक्षालाई खतरामा पार्न सक्ने भन्दै अमेरिकाले आफैँले बर्खास्त गरेका कर्मचारीहरूलाई पुनः भर्ती गर्ने प्रयास गरिरहेको बीबीसीले जनाएको छ ।

गएको बिहीवार अमेरिकाको ऊर्जा विभागअन्तर्गतको राष्ट्रिय आणविक सुरक्षा प्रशासन (एनएनएसए) का तीन सय कर्मचारीहरूले बर्खास्त पत्रहरू प्राप्त गरेका खबरमा उल्लेख छ ।

विभागले अमेरिकी आणविक हतियार भण्डारको डिजाइन, निर्माण र निरीक्षणको जिम्मेवारी सम्हाल्है आएको छ ।

अमेरिकी राष्ट्रपति डोनाल्ड ट्रम्पले सङ्घीय सरकारको खर्च कम गर्न सङ्घीय कार्यबलबाट ठूलो सङ्ख्यामा कर्मचारी घटाइरहेका छन् ।

गएको  जनवरी २० मा  कार्यभार  सम्हालेको  पहिलो दिनदेखि नै उहाँले यो  अभियान तीव्र पार्नुभएको छ । ट्रम्प प्रशासनले हजारौँ कर्मचारीलाई इमेल, भिडियो कल लगायतका माध्यमबाट कर्मचारीको बर्खास्त गर्दै आएको छ ।