काठमाडौं । चालु आर्थिक वर्षको तेस्रो त्रैमाससम्म आइपुग्दा लाइफ इन्स्योरेन्स कर्पोरेसन (एलआइसी) नेपालले १५ करोड ३७ लाख रुपैयाँ नाफा कमाएको छ ।

यो अघिल्लो वर्षको यसैअवधिको तुलनामा ४२.८४ प्रतिशत ले बढी हो । अघिल्लो वर्ष यसैअवधिमा यसले १० करोड ७६ लाख रुपैयाँ नाफा कमाएको थियो । चैत मसान्तसम्म आइपुग्दा इन्सुरेन्सको खुद बिमा शुल्क र बिमा कोषको आकार पनि क्रमशः ३१.७९ प्रतिशत र २१.७७ प्रतिशत ले बढेको छ ।

गत वर्ष १० अर्ब ३१ करोड रुपैयाँ खुद बिमा शुल्क आर्जन गरेको कम्पनीले यो त्रैमासमा बढाएर १३ अर्ब ५९ करोड रुपैयाँ पुर्याएको छ ।

यता, जीवन बिमा कोष पनि ६३ अर्ब ६७ करोड रुपैयाँबाट बढेर ७७ अर्ब ५४ करोड रुपैयाँ पुगेको छ । चैत मसान्तसम्ममा एलआइसीको चुक्ता पुँजी २ अर्ब २१ करोड रुपैयाँ छ ।

जगेडा कोषमा ६१ करोड १४ लाख रुपैयाँ छ । हालसम्म कम्पनीले कुल ६ अर्ब १६ करोड रुपैयाँ दाबी भुक्तानी गरेको छ । भुक्तानी हुन बाँकी दाबी रकम २१ करोड ७३ लाख रुपैयाँ छ । यसको प्रतिसेयर आम्दानी ६ रुपैयाँ ९५ पैसा र प्रतिसेयर नेटवर्थ १३९ रुपैयाँ ७४ पैसा छ ।