काठमाडौं । युनाइटेड अजोड इन्स्योरेन्सले हाल कायम चुक्ता पुँजीमा १५ प्रतिशत हकप्रद सेयर जारी गर्ने भएको छ । कम्पनीले हकप्रद निष्कासन प्रस्ताव पारित गर्न जेठ ३१ गते विशेष साधारण सभा बोलाएको छ ।

विशेष साधारण सभाबाट प्रस्ताव पारित भएपछि निष्कासन अनुमतिका लागि नेपाल धितोपत्र बोर्डमा आवेदन दिनुपर्छ ।

बोर्डले अनुमति दिएपछि मात्र हकप्रद निष्कासन प्रक्रिया अघि बढ्नेछ । कम्पनीको विशेष साधारण सभा आम्रपाली ब्यांकेट टंगाल काठमाडौंमा बिहान १०ः३० बजे बस्नेछ ।

साधारण सभा प्रयोजनका लागि जेठ २५ गते शुक्रबार बुक क्लोज हुने भएकाले जेठ २४ गते बिहीबारसम्म कायम सेयरधनीले मात्र भाग लिन पाउने छन् ।

हाल यसको चुक्ता पुँजी २ अर्ब १० करोड रुपैयाँ रहेको छ । हकप्रदपछि यसको पुँजी २ अर्ब ४१ करोड ५० लाख रुपैयाँ पुग्नेछ ।