आज नेपाल हाइड्रो डेभलोपरको विशेष साधारण सभा
काठमाडौं । आज असार १३ गते नेपाल हाइड्रो डेभलोपर कम्पनीको विशेष साधारण सभा बस्दैछ । कम्पनीको जेठ २५ गते बसेको सञ्चालक समितिको बैठकले विशेष सभा गर्ने निर्णय गरेको थियो ।
सभा कावेरी इन, ज्ञानेश्वर, काठमाडौंमा बिहान ११ बजे सुरु हुनेछ । सभामा कम्पनीको नियमावली संशोधन वा परिमार्जन गर्न सञ्चालक समितिलाई पूर्ण अख्तियारी दिने प्रस्ताव पेस हुनेछ ।
साधारण सभा प्रयोजनका लागि कम्पनीले असार २ गते बुक क्लोज गरिसकेको छ । यसर्थ, असार १ गतेसम्म कायम सेयरधनीहरुले सभामा भाग लिन सक्नेछन् ।
यता, सभामा भाग लिन चाहने सेयरधनीले आफ्नो परिचय खुल्ने आधिकारिक परिचयपत्र वा हितग्राही खाता खोलिएको कागजात साथमा लिएर जानु पर्नेछ ।