काठमाडौं । एनएमबि क्यापिटलले माघ २४ गतेदेखि फागुन ८ गतेसम्म निष्कासन तथा बिक्री खुला गरेको सामूहिक लगानी कोष एमएबि हाइब्रिड फण्ड एल–२ को इकाइ बाँडफाँट गरिएको छ ।

क्यापिटलले एनएमबि म्युचुअल फण्ड अन्तर्गत प्रतिइकाइ १० रुपियाँ अंकित दरमा १ अर्ब २० करोड बराबरको १२ करोड इकाइ बिक्रीमा ल्याएको थियो ।

तर मागभन्दा बढी आवेदन परेपछि योजनाको आकार वृद्धि गरी १३ करोड ६४ लाख ८४ हजार इकाइ कायम गरिएको थियो ।

सोही अनुसार कोष प्रवर्द्धक एनएमबि बैंकलाई १ करोड ९१ लाख ७ हजार ७६० इकाइ, योजना व्यवस्थापक कम्पनी एनएमबि क्यापिटललाई १३ लाख ६५ हजार ५४९ इकाइ र बाँकी रीतपूर्वक आवेदन दिने आवेदकलाई ११ करोड ६० लाख १० हजार ७६० इकाइ सर्वसाधारणमा बाँडफाँट गरिएको हो ।

यो १० वर्ष अवधिको बन्दमुखी म्युचुअल फण्ड हो ।​ फण्डको धितोपत्र निष्काशन तथा बिक्री प्रबन्धक एनएमिब क्यापिटल लिमिटेड रहेको थियो ।