आर्थिक सञ्जाल । बुधबार, ७ फागुन २०७६
काठमाडौं । देवः विकास बैंक लिमिटेडले थप नयाँ शाखा सञ्चालनमा ल्याएको छ । बैंकको नयाँ शाखा गोकर्णेश्वर नगरपालिका, वडा नं ६ जोरपाटीमा सञ्चालित जोरपाटी शाखा कार्यालयको आज एक कार्यक्रम बीच उदघाटन गरेको छ ।
बैंक सञ्चालक समितिका सदस्य भरत बहादुर हमालले उक्त शाखाको औपचारिक उदघाटन गरेका हुन् । कार्यक्रममा आफ्नो मन्तव्य राख्दै सञ्चालक हमालले गुणस्तरिय सेवा विस्तारमा जोड दिनु पर्ने बताए । हमालले यस क्षेत्रबाट संकलित निक्षेपलाई यस क्षेत्रको व्यापार व्यवसायमा लगानी गर्ने र स्थानीय उद्यमशीलताको विकासका लागि सहकार्य गर्ने बताए ।
गोकर्णेशवर नगरपालिका, वडा नं ६ का अध्यक्ष रमेश अर्यालले वडा नं ६ को क्षेत्रमा बैकिङ्ग गतिविधिको विस्तारबाट समग्र नगरपालिका क्षेत्रमा नै आर्थिक गतिविधिको विस्तार भएकोमा सन्तुष्ट व्यक्त गरेका थिए ।
बैंकका सञ्चालक विजय राज शर्मा भुषाल, महानगरिय प्रहरी बृत बौद्धका प्रहरी नायब उपरिक्षक रेशम बहादुर सिंहले पनि मन्तव्य राखेका थिए ।