काठमाडौं । फक्सवागनको नयाँ सेडान कार नेपाल भित्रिएको छ । साउन २१ गतेदेखि सुरु हुने नाइमा मोबिलिटी एक्सपोमार्फत लन्च हुने तयारीमा रहेको फक्सवागन भर्टुस शोरुममा आइपुगेको हो ।

फक्सवागनको नेपालका लागि आधिकारिक वितरक पुजा इन्टरनेश्नल नेपालले ल्याएको सो नयाँ कारमा १.० लिटर टीएसआई इन्जिन जडान गरिएको छ । यद्यपी भारतिय बजारमा भने यो कार १.५ लिटर इन्जिन अप्सनमा समेत उपलब्ध छ ।

भारतमा उत्पादन भएको यस कारलाई फक्सवागनले कम्पनीको ‘लेटेस्ट डिजाइन ल्याङ्वेज’मा आधारित रहेर तयार पारेको हो । कारमा स्लीक र्यापअराउण्ड हेडलाइट दिइएको छ ।

आधुनिक क्याविन लेआउटमा सजिएको यस कारमा १० इन्चको टचस्क्रीन इन्फोटेन्मेन्ट सिस्टम, थ्री स्पोक स्टेरिङ ह्वील, ८ इन्चको डिजिटल इन्स्ट्रयुमेन्ट क्लष्टर, सनरुफ, वायरलेस चार्जर र ८ वटा स्पीकरसहितको अडियो सिस्टम पाउन सकिन्छ । फक्सवागन भर्टुसले ग्लोवल एनक्यापको क्र्यास टेष्टमा ५ स्टार रेटिङ पाएको छ ।