एजेन्सी । इटालियन सिरी ‘ए’ मा एटलान्टाले पार्मामाथि २–१ को जित निकाल्दै खेलमा पूनरागमन गरेको छ । एटलान्टाले पार्मालाई उसकै मैदानमा हराउँदै दोस्रो स्थानमा रहने सम्भावनालाई जीवितै राखेको छ ।

एटलान्टाको जितमा रुस्लान मालिनोभ्स्की र एलजान्द्रो गोमेजले गोल गरे । घरेलु टोलीका डिजान कुलुसेभ्स्कीले गरेको गोल सान्त्वना बन्यो । प्रतिस्पर्धात्मक बनेको खेलको पहिलो हाफको अन्त्यतिर डिजान कुलुसेभ्स्कीले गोल गर्दै घरेलु टोलीलाई १–० को अग्रता दिलाएका थिए । तर, पार्माले त्यो अग्रतालाई जोगाउन सकेन ।

७०औं मिनेटमा रुस्लान मालिनोभ्स्कीले गोल गर्दै एटलान्टालाई खेलमा फर्काए । ८४औं मिनेटमा एलेजान्द्रोले गोल गर्दै एटलान्टालाई खेलमा २–१ को अग्रता दिलाए । त्यसपछि थप गोल निस्कन नसक्दा एटलान्टा विजयी हुन सफल भयो । यो जितले एटलान्टाले दोस्रो स्थानमा रहने सम्भावना जीवितै राखेको छ ।

एटलान्टाको ३७ खेलबाट ७८ तथा समान खेलबाटै इन्टर मिलानको ७९ अंक छ । लिग चरणको अन्तिम खेलमा एटलान्टा र इन्टरबीच प्रतिस्पर्धा हुने भएकाले यो खेलपछि दोस्रो स्थानमा रहने टोलीको टुंगो लाग्नेछ । युभेन्टस दुई खेल बाँक छदै सिरी ‘ए’ को च्याम्पियन बनिसकेको छ । पराजित पार्मा ४६ अंक जोडेर ११औं स्थानमा छ ।