रियल म्याड्रिडले स्पेनिश ला लिगाको उपाधि जितेको छ । बार्सिलोना जिरोनाविरुद्ध ४–२ ले पराजित भएसँगै रियलले लिग उपाधि जित्ने पक्का भएको हो । बार्सिलोनाले खेलमा दुई पटक अग्रता लिएपनि हार बेहोर्न पुग्यो ।

रियलको  ३४ खेलमा ८७ अंक रहेको छ । दोस्रो स्थानमा रहेको बार्सिलोनाको ३४ खेलमा ७३ अंक छ । रियलले गएराति नै भएको खेलमा काडिज विरुद्ध ३–० को जित निकालेको छ । रियलको जितमा ब्राहिम डियाज, जुड बेलिंघम र जोसेलुले एक एक गोल गरे ।

३६ पटक स्पेनिश लिग जितेर रियलले पहिलो कीर्तिमानी बनाएको छ । दोस्रो धेरै लिग उपाधि जितेको बार्सिलोनाको २७ पटक उपाधि जितेको छ ।