आर्थिक सञ्जाल चैत्र २३, २०७६ आइतबार

काठमाडौँ । आज चालीस हजार केजी चामल र पाँच हजार केजी दाल नेपाल उद्योग वाणिज्य महासंघले  वितरण गरेको छ । नेपाल विज्ञापन संघको सचिवालय शान्तिनगर मिनभवनमा आज आयोजित एक समारोहका बीच उक्त राहत सामग्री वितरण गरिएको हो ।

लकडाउनका कारण हातमुख जोर्न समस्या परेका श्रमिक/ कामदारहरुका लागि राहत सामग्री वितरण गरिएको महासंघका उपनिर्देशक विदुरचन्द्र लामिछानेले बताए ।

उद्योग वाणिज्य तथा आपूर्ति मन्त्री लेखराज भट्ट र महासंघका अध्यक्ष भवानी राणा लगायतकाले राहत सामग्री हस्तान्तरण गरेका थिए ।