आर्थिक सञ्जाल चैत्र १८, २०७६ मंगलबार

काठमाडौं ।  रामेछाप जिल्लामा गाडी दुर्घटना भएको छ । आज बिहान काठमाडौंबाट दोरम्बा जादै गरेको गाडी खाँडादेवी गाउँपालिका–१ राकाथुमस्थित माझी गाउँमा दुर्घटना भएको छ ।

दुर्घटनमा परी १८ जना सामान्य घाइते भएका छन् भने केहीको अवस्था गम्भीर रहेको छ । खैरनीघाटबाट राकाथुमतर्फ जाने क्रममा मध्य पहाडी लोकमार्ग बाट माथि उक्लने क्रममा बलेरो गाडी सडकबाट करिब डेस सय मिटर तल खसेको थियो ।

बा १४ च ९४९८ बलेरो गाडीमा ३३ जना यात्रु रहेका थिए । गाडीमा सवार दोरम्बा गाउँपालिका–३ टोकरपुर लेखखर्ककाे भएकाे बताइएको छ । प्रहरी चौकी नेपालथोकका इन्चार्ज रविन्द्र खड्काले भन्नुभयो,‘प्रहरीले चालक नियन्त्रणमा लिएको छ, थप अनुसन्धान भइरहेको छ, घाइतेको उद्दार गरेर अस्पताल लगिएको छ स्थानीय राज मैनालीले १५ जना गम्भीर घाइते रहेकालाई उपचारको लागि अस्पताल लगिएको बताउनुभयो ।