आर्थिक सञ्जाल मंगलबार, २७ फागुन २०७६

काठमाडौं । कोरोना भाइरसको संक्रमण जोखिमलाई न्यूनीकरण गर्न नेपाल एयरलाइन्सले कतारको दोहामा गर्दै आएको नियमित उडान हाललाई स्थगित गरेको छ ।

विश्वव्यापी रुपमा कोरोना भाइरसको संक्रमण फैलिरहेको बेला नेपाल सहित विभिन्न १४ मुलुकका नागरिकलाई कतार प्रवेशमा अस्थायी प्रतिवन्ध लगाएको हो ।

यससँगै नेपाल एयरलाइन्सले समेत मंगलबारबाट लागू हुने गरी दोहामा गर्दै आएको उडान रद्द गरेको हो । नेपालीहरु पनि हाललाई कतार प्रवेश गर्न नपाउने भएकाले दोहाको नियमित उडान हाललाई १० मार्च २०२० बाट अर्को निर्णय नहुन्जेल स्थगित गर्नु परेको नेपाल एयरलाइन्सले जनाएको छ ।

नेपाल एयरलाइन्सका अनुसार २६ फागुन २०७६ र भन्दा पछिका उडानका टिकट खरीद गरेका यात्रुहरुलाई टिकट फिर्ता गर्दा भुक्तानी गरेको रकम पुरै उपलब्ध गराइने भएको छ ।