citizens life insurance long ad
stcnepal long ad
Himalayan bank
national life

प्राधिकरणमा आधा दर्जन उच्च तहका कर्मचारीको सरुवा

Prabhu Insurance Long Ad
himalayan Everest Insurance long ad

आर्थिक सञ्जाल – ६ फागुन २०७६, मंगलबार
काठमाडौं । प्राधिकरणभित्रको मात्रै होइन, बाहिरको तार व्यवस्थापनमा लागेको नेपाल विद्युत प्राधिकरणले निर्देशक सहित विभिन्न तहमा कार्यरत ७ कर्मचारीको सरुवा गरेको छ । फागुन १ गतेको कार्यकारी निर्देशक स्तरीय निर्णय अनुसार प्राधिकरण कर्मचारी सेवा, शर्त विनियमावली २०७५ को विनिमय ४६ मा भएको व्यवस्था बमोजिम उनीहरूको सरुवा गरी जिम्मेवारी तोकिएको बताइएको छ ।
यसरी सरुवा हुनेहरुमा निर्देशक (११ तह) मा कार्यरत तुलाराम गिरी र बेल प्रसाद शर्मा छन् । गिरीलाई कानुन विभाग र शर्मालाई जनसाधन विभाग सरुवा गरेको छ ।
यस्तै, प्राधिकरणले उप–निर्देशक (९ तह) का ३ कर्मचारीको सरुवा गरेर जिम्मेवारी तोकेको छ । कर्मचारी प्रशासन महाशाखाका डोलनाथ ढकाललाई नियुक्ती सिफारिस महाशाखामा सरुवा गरिएको छ ।
प्रसारण निर्देशनालयको प्रशासन महाशाखामा कार्यरत चुडामणि आचार्यलाई कर्मचारी प्रशासन महाशाखामा सरुवा गरी प्रमुखको जिम्मेवारी तोकिएको छ ।

माथिल्लो त्रिशुली ३ ‘ए’ जलविद्युत आयोजनामा कार्यरत नारायणप्रसाद आचार्यलाई प्रसारण निर्देशनालयको प्रशासन महाशाखामा सरुवा गरिएको छ ।
सहायक निर्देशक (८ तह) मा कार्यरत जमुनाकुमारी खड्का र बासु कलौनीको पनि सरुवा गरिएको छ । खड्कालाई कार्यकारी निर्देशकको सचिवालयमा तथा कलौनीलाई केन्द्रीय कर्मचारी प्रशासन शाखा प्रमुखको जिम्मेवारी दिएर सरुवा गरिएको छ । यस अघि खड्का केन्द्रीय कर्मचारी प्रशासन र कलौनी वितरण तथा ग्राहक सेवा निर्देशनालयमा कार्यरत रहेका थिए ।

himalayan life insurance
igi long