जनकपुरधाम । भन्सारमा कार्यरत नायब सुब्बा डेढलाख घुस सहित पक्राउ परेका छन् । जनकपुरधाम भन्सार कार्यालयमा कार्यरत नायव सुब्बा अहमद रज्जा अन्सारीलाई अख्तियार दुरुपयोग अनुसन्धान आयोगको टोलीले रंगेहात पक्राउ गरेको छ । अन्सारीलाई सोमबार साँझ सेवाग्राहीबाट १ लाख ५० हजार रुपैयाँ घुस लिँदै गर्दा पक्राउ गरेको आयोगले जनाएको छ । आयोगको बर्दिवासबाट खटिएको टोलीले जनकपुरधामको पिडारी चोकबाट नियन्त्रणमा लिएको जनाएको छ । नियन्त्रणमा लिएका अन्सारीमाथि अनुसन्धान भइरहेको छ ।

२१ माघ २०७६, मंगलवार १५:१३ बजे प्रकाशित