आज लघुवित्तको आइपीओमा आवेदन दिने अन्तिम दिन
काठमाडौं । आदर्श लघुवित्तको आइपीओमा आवेदन दिने आज असार ५ गते आइतबार अन्तिम दिन हो । लगानीकर्ताले आज कार्यालय समय भित्र आवेदन दिइसक्नु पर्नेछ ।
कम्पनीले जारी गरेको आइपीओमा असार ३ गते शुक्रबार दिउँसो १ः४५ बजेसम्ममो १ करोड २१ लाख ३८ हजार ४२० कित्ताका लागि आवेदन परिसकेको छ ।
यो सर्वसाधारको लागि बिक्री खुला गरिएको कित्तालाई आधार मान्दा १९३.८५ गुणा बढी आवेदन हो । कम्पनीले असार १ गतेदेखि सर्वसाधारणका लागि आइपीओ बिक्री खुला गरेको छ ।
कम्पनीले ६७ लाख रुपैयाँ बराबरको आइपीओ जारी गरेको हो । यस अनुसार यसले प्रतिकित्ता १०० अंकित मूल्यका दरले ६७ कित्ता साधारण सेयर निष्कासन गरेको छ ।
यो मध्ये ५ प्रतिशत अर्थात् ३ हजार ३५० कित्ता सामुहीक लगानी कोष र ०.५ प्रतिशत अर्थात् १ हजार ३५ कित्ता सेयर कर्मचारीहरुका लागि छुट्याइएको छ ।
बाँकी ६२ हजार ६१५ कित्ताका लागि सर्वसाधारणले आवेदन दिन सक्नेछन् । लगानीकर्ताले यसमा न्यूनतम १० कित्तादेखि अधिकतम १ हजार कित्ताको लागि आवेदन दिन सक्नेछन् ।
लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयर मार्फत सेयर भर्न सक्नेछन् ।
रेटिङ एजेन्सी कियर नेपालले लघुवित्तको आइपीओलाई ‘कियर एनपी सिंगल बी प्लस इस्यूअर रेटिङ’ प्रदान गरेको छ ।
जसले कम्पनीको दायित्व बहन गर्ने क्षमतामा औसत जोखिम रहेको जनाउँछ । यो आइपीओमा बीओके क्यापिटल बिक्री प्रबन्धक रहेको छ ।
५ असार २०७९, आइतवार ०७:५९ बजे प्रकाशित
