डिप्रोक्सले २७ करोड ४९ लाख ९१ हजार रुपैयाँ खुद नाफा कमाए
काठमाडौं । डिप्रोक्स लघुवित्तले गत आर्थिक वर्षको चौथो त्रैमाससम्म आइपुग्दा आकर्षक प्रगति गरेको छ । यस अवधिमा संस्थाको प्रमुख सूचकमा आकर्षक वृद्धि भएको छ ।
खुद नाफा १५९.५४% ले बढेर ७१ करोड ३७ लाख २९ हजार रुपैयाँ पुगेको छ । अघिल्लो वर्षको यसैअवधिमा यसले २७ करोड ४९ लाख ९१ हजार रुपैयाँ खुद नाफा कमाएको थियो । खुद ब्याज आम्दानी र सञ्चालन नाफा दुवै बढेको छ ।
खुद ब्याज आम्दानी ४२.७८% र सञ्चालन नाफा ६६.३१% ले बढेको छ । यसले खुद नाफा बढ्न सहयोग पुगेको हो । संस्थाले यसअवधिमा ३८ करोड ९८ लाख ९५ हजार रुपैयाँ राइट ब्याक गरेको छ । यसले पनि नाफा बढाउन टेवा पुर्याएको हो । सम्भावित जोखिम बापतको व्यवस्था (प्रोभिजन) को रकम भने बढाएको छ ।
खराब कर्जा १.५५% ले घटेर ०.९२% मा आएको छ । अघिल्लो वर्ष खराब कर्जा २.४७%थियो । प्रतिसेयर आम्दानी ३४ रुपैयाँ ३८ पैसाले बढेर ६१ रुपैयाँ ७३ पैसा पुगेको छ । प्रतिसेयर नेटवर्थ २११ रुपैयाँ ९६ पैसा छ ।