काठमाडौं । विन नेपाल लघुवित्त वित्तीय संस्था लिमिटेडले चैत २१ गतेदेखि निष्कासन गरेको थप सार्वजनिक निष्कासन (एफपीओ) मा आवेदन दिने आज चैत २६ गते अन्तिम दिन रहेको छ ।

लघुवित्तले प्रतिकित्ता १०० रुपियाँका दरले कुल ५१ हजार २९२.५ कित्ता एफपीओ सर्वसाधारणमा निष्कासन गरेको हो ।

लगानीकर्ताले घटीमा १० कित्ता र बढीमा १ हजार कित्तासम्मका लागि आवेदन दिन सक्नेछन् । ५ हजार १२९ जनालाई मात्रै १०–१० कित्ता पर्ने भएकाले आवेदन १० कित्ताका लागि मात्रै दिँदा उपयुक्त हुनेछ ।

सीडीएस एन्ड क्लियरिङका अनुसार सोमबार साँझ ५ बजेसम्म १६ लाख ९३ हजार ८५९ जनाले २ करोड ९१ हजार २५० कित्ताका लागि आवेदन दिएका छन् । जुन आवेदन मागभन्दा ३९१।७० गुणा बढी हो ।

कम्पनीको धितोपत्र निष्कासन तथा बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ ।