काठमाडौं । सीजी मोटर्सले नेपाली बजारमा बिक्री गरिरहेको किङलङ ब्रान्डको इलेक्ट्रिक गाडी जगदम्बा मोटर्सले पनि नेपाली बजारमा बिक्री–वितरण गर्ने भएको छ ।

जगदम्बा मोटर्सले भन्सार प्रयोजनका लागि बिहीबार किङलङ ईभी पिकअपको बिक्री मूल्य सार्वजनिक गरेको छ । कम्पनीले किङलङको एक्सएमक्यू १०३० सिरिजको पिकअप भ्यान ल्याउन अधिकतम खुद्रा मूल्य सार्वजनिक गरेको छ।

कम्पनीले इलेक्ट्रिक पिकअप भ्यानको मूल्य ४८ लाख रुपैयाँ तोकेको छ। यसमा १२० किलोवाट क्षमताको मोटर तथा ५९ किलोवाट क्षमताको ब्याट्री छ ।

यो भन्दा पहिले नेपाली बजारमा सीजी मोटर्सले भने १४ र १९ सिटर ईभी भ्यान बिक्री–वितरण गरिरहेको छ । यस अनुसार ईभी भ्यान सीजीले बिक्री–वितरण गरेको छ भने जगदम्बाले पिकअप बिक्री–वितरण गर्ने भएको हो ।

जगदम्बा मोटर्सले यो भन्दा पहिले टीभीएस, प्रोटोन लगायतका सवारी साधन समेत बिक्री–वितरण गर्दै आएको छ ।