काठमाडौं । पाँच कम्पनीको लाभांश सुरक्षित गर्ने आज पुस १२ गते अन्तिम दिन हो । नेपाल एसबीआई बैंक, सिद्धार्थ बैंक, लुम्बिनी विकास बैंक, राधी विद्युत कम्पनी र बिन्ध्यबासिनी हाइड्रोपावरले साधारण सभा तथा लाभांश प्रयोजनको लागि पुस १३ गते बुक क्लोज गर्दैछन् । त्यसैले यी कम्पनीहरुको लाभांश सुरक्षित गर्न आजै सेयरधनी बनिसक्नु पर्नेछ ।

नेपाल एसबीआई बैंकले गत आर्थिक वर्षको नाफाबाट लगानीकर्तालाई ३प्रतिशत बोनस सेयर र ७.५३प्रतिशत नगद लाभांश वितरण गर्दैछ ।

लाभांश पारित गर्न यस बैंकले पुस २५ गते वार्षिक साधारण सभा बोलाएको छ । सभा त्रिभुवन आर्मि अफिसर्स क्लब, भद्रकाली काठमाडौंमा बिहान ११ बजेदेखि सुरु हुनेछ ।

सिद्धार्थ बैंकले गत आर्थिक वर्षको नाफाबाट १२.५०प्रतिशत बोनस सेयर र कर तिर्न ०.६६ प्रतिशत नगद लाभांश वितरण गर्दैछ ।

यसले पुस २८ गते वार्षिक साधारण सभा डोकोछ । सभा आर्मी अफिसर्स क्लब भद्रकाली, काठमाडौंमा बिहान ११ बजे सुरु हुनेछ ।

लुम्बिनी विकास बैंकले आर्थिक वर्ष २०७८/७९ को नाफाबाट सेयरधनीहरुलाई ३५ बोनस सेयर र कर सहित ९ प्रतिशत नगद लाभांश गरी जम्मा १२ प्रतिशत लाभांश वितरण गर्दैछ ।

यसले पुस २६ गते वार्षिक साधारण सभा गर्ने भएको छ । सभा अमृत भोग कालिकास्थान, काठमाडौंमा बिहान ११ बजे सुरु हुनेछ ।

राधी विद्युत कम्पनीले गत वर्षको नाफाबाट ४.७५ प्रतिशत बोनस सेयर र कर तिर्न ०.२५ प्रतिशत नगद लाभांश वितरण गर्दैछ ।

कम्पनीले पुस २८ गते साधारण सभा डाकेको छ । सभा कम्पनीको कार्यालय त्रिपुरेश्वर,काठमाडौंमा बिहान ११ बजे जुम माध्यमबाट सुरु हुनेछ ।

बिन्ध्यबासिनी हाइड्रोपावरले गत वर्षको नाफाबाट ५ प्रतिशत का दरले बोनस सेयर र कर प्रयोजनको लागि ०.२६ प्रतिशत नगद लाभांश वितरण गर्दैछ ।

कम्पनीले पुस २२ गते वार्षिक साधारण सभा डाकेको छ । सभा कम्पनीको कार्यालय परिसर, नयाँ बानेश्वरमा भौतिक तथा भर्चुअल माध्यमबाट बिहान १० बजे सुरु हुनेछ ।