काठमाडौं । नेपाल लाइफ इन्सुरेन्सले आर्थिक वर्ष २०७६/७७ को तेस्रो त्रैमाससम्म आइपुग्दा ४६ करोड ७५ लाख रुपैयाँ खुद नाफा कमाएको वित्तीय विवरण सार्वजनिक गरेको छ ।

नाफा गत वर्षको भन्दा ०.०७% ले धेरै हो । गत वर्ष यस कम्पनीले ४६ करोड ७२ लाख रुपैयाँ कमाएको थियो । नेपाल लाइफले जीवन बिमा कोषको आकार पनि ३४.२३% ले बढाएर ८१ अर्ब ३७ करोड रुपैयाँ पुर्याएको छ ।

गत वर्ष जीवन बिमा कोषमा ६० अर्ब ६२ लाख रुपैयाँ रहेको थियो । चैतसम्म यसले ५ अर्ब १९ करोड रुपैयाँ बराबरको खुद दाबी भुक्तानी गरेको छ । कम्पनीले महाविपत्ति जगेडा कोषमा ४७ करोड ५७ लाख रुपैयाँ राखेको छ । यस इन्सुरेन्सको खुद बिमा शुल्क आर्जन पनि १५ अर्ब १९ करोड रुपैयाँबाट बढोत्तरी भएर १८ अर्ब ४१ करोड रुपैयाँ पुगेको छ ।

हाल यसको चुक्ता पुँजी ५ अर्ब ४९ करोेड ६१ लाख ६० हजार रुपैयाँ रहेको छ । कम्पनीको रिजर्भ फन्डमा भने २ अर्ब ७३ करोड रुपैयाँ छ । नेपाल लाइफको प्रतिसेयर आम्दानी ११ रुपैयाँ ३४ पैसा र प्रतिसेयर नेटवर्थ १५८ रुपैयाँ ३६ पैसा रहेको छ ।