४ फागुन २०७६, आईतवार
काठमाडौं । आइएमई जनरल इन्सुरेन्सले २२औं वार्षिक साधारण सभा फागुन २४ गते बोलाएको छ । साधारण सभा, लैनचौर ब्यांकेट्समा बिहान १० बजे सुरु हुनेछ । सभामा ६.३१५ लाभांश पारित गर्ने विशेष प्रस्ताव रहनेछ । कम्पनीले आर्थिक वर्ष २०७५/०७६ को नाफाबाट ६५ बोनस सेयर र कर प्रयोजनार्थ ०.३१५ नगद लाभांश दिने प्रस्ताव गरेको छ ।
कम्पनीले संस्थापक र सर्वसाधारणको सेयर हिस्सा परिमार्जन गर्ने प्रस्ताव पनि लैजाने छ । हाल जारी तथा चुक्ता पुँजीको ८०५ सस्ंथापक समूहको र २०५ सर्वसाधारण समूहको छ । अब यसलाई परिमार्जन गरेर ६०५ सस्ंथापक समूह र ४०५ सर्वसाधारण समूहको बनाइने भएको छ । यो प्रस्ताव पनि सभामा पेश हुनेछ । कम्पनीको प्रबन्धपत्र र नियमावलीमा संशोधन गरिने छ ।

आर्थिक वर्ष २०७५/०७६ को वासलात, नाफा–नोक्सान र नगद प्रवाहमाथि सभामा छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । साधारण सभा प्रयोजनका लागि कम्पनीले फागुन १२ गतेदेखि २४ गतेसम्म बुक क्लोज गर्दैछ ।
फागुन ११ गतेसम्म कायम सेयरधनीले लाभांश सुरक्षित गर्न सक्नेछन् । हाल आइएमई जनरलको चुक्ता पुँजी १ अर्ब २ करोड ६ लाख रुपैयाँ रहेको छ । बोनस वितरण पछि पुँजी १ अर्ब ८ करोड १८ लाख ३६ हजार रुपैयाँ पुग्नेछ ।

४ फागुन २०७६, आइतवार १०:४५ बजे प्रकाशित