काठमाडौं । चालु आर्थिक वर्षको दोस्रो त्रैमाससम्म आइपुग्दा थ्रीस्टार हाइड्रोपावर ६७ लाख २८ हजार रुपैयाँ खुद नाफा कमाएको छ ।

अघिल्लो वर्षको यसै अवधिमा यस कम्पनीले १२ लाख ६३ हजार रुपैयाँ घाटा व्यहोरेको थियो । विद्युत् बिक्रीबाट हुने आम्दानी बढेको र प्रशासनिक खर्च घटेको कारण यसको खुद नाफा बढेको हो ।

यसअवधिमा विद्युत् बिक्रीबाट हुने आम्दानी ५.१३ प्रतिशतले बढेर ९ करोड ७१ लख ३३ हजार रुपैयाँ पुगेको छ । अघिल्लो वर्षको यसैअवधिमा यस कम्पनीले विद्युत् बिक्रीबाट ९ करोड ३३ लाख रुपैयाँ आम्दानी गरेको थियो । प्रशासनिक खर्च ३४.०३ प्रतिशतले घटेर ५६ लाख ७२ हजार रुपैयाँमा आएको छ ।

मसान्तसम्म यस कम्पनीको चुक्ता पुँजी ४९ करोड २५ लाख रुपैयाँ छ । प्रतिसेयर आम्दानी वार्षिक २ रुपैयाँ ७३ पैसा छ । प्रतिसेयर नेटवर्थ ६९ रुपैयाँ ७६ पैसा छ ।