आर्थिक सञ्जाल

काठमाडौं । गायक तथा संगीतकार सन्देश श्रेष्ठले लकडाउनका समयमा पनि सक्रिय रही श्रोता तथा दर्शकहरुका  माझ तीन वटा म्यूजिक भिडियो बजारमा निकालेका छन् ।
१) मेरो सलाम  २) सँगसँगै  ३ ) हामी भुल्दैनौँ

पछिल्लो गीत हामी भुल्दैनौँमा देश भक्तिपूर्ण भाव व्यक्त भएको छ ।
यस म्यूजिक भिडियोमा  संगीत तथा स्वरः सन्देश श्रेष्ठ रहेको छ भने शब्दः गोविन्द पौडेलको र क्यामरामाः जयेन कुमार मोक्तान एरेन्जः देव कोइमी लुप्स स्टुडियोस् विजेन श्रेष्ठ निर्देशक तथा सम्पादनस् जितेन्द्र राजोपाध्याय रहेको छ । त्यस्तै गरी  आफ्नो अमूल्य समय दिएर सहयोग गर्नुहुने हरि शाही र नेवारी खाजाघरलाई विशेष धन्यवाद दिएको छ ।

यो गीतमा हाम्रा पुर्खाले हाम्रो देशको रक्षा गर्ने क्रममा सीमानामा बगाएको रगत र हिँडेका पदचापहरूको  अझै पनि हामीमा स्मरण रहेको र हामी हाम्रो सीमा कहिल्यै भुल्दैनौँ भन्ने भाव व्यक्त भएको छ।

कालापानी नालापानी युद्ध लडेको इतिहास संस्सारका मानिसलाई जानकारी भएको र त्यो भू भाग हाम्रै रहेको कुरा सर्वविदितै छ ।  हाम्रा पुर्खाबाट जानकारी पाए झैँ हामीले पनि अब आउने सन्ततिलाई गीत संगीत र अन्य माध्यमबाट सुसुचित बनाउनु हाम्रो कर्तव्य हुन आउँछ । यी यावत कुराहरुलाई मध्यनजर राख्दै सम्पूर्ण नेपाली एकजुट हुन् आग्रह गर्दै राष्ट्रिय एकताको भावना जगाउन यो गीतको सिर्जना भएको हो।