काठमाडौं । शाइन रेसुंगा डेभलपमेन्ट बैंक लिमिटेडको वार्षिक साधारणसभा आज (पुस १९ गते) बस्दैछ । साधारण सभाले चुक्ताँ पुँजीको ५ प्रतिशतले हुन आउने २३ करोड ६६ लाख ८४ हजार ५४८ बराबरको कर सहित नगद लाभांश र सञ्चित मुनाफाको ३ प्रतिशत अर्थात् १४ करोड २० लाख १० हजार ७२९ रुपियाँ बराबरको बोनस शेयर वितरणको प्रस्ताव पारित गर्नेछ ।

साधारण सभाले गत आर्थिक वर्षको लेखापरीक्षक सहितको वार्षिक प्रतिवेदन, असार मसान्तसम्मको वित्तीय विवरण, नाफानोक्सान, नगद प्रवाह लगायतका विषयमाथि छलफल गरी पारित गर्नेछ ।

चालू आर्थिक वर्षका लागि लेखापरीक्षक नियुक्ति र निजको पारिश्रमिक निर्धारण गर्ने, संस्थापक शेयरधनीका तर्फबाट ३ जना र सर्वसाधारण शेयरधनीका तर्फबाट ३ जना सञ्चालक निर्वाचन गर्ने लगायतका एजेण्डा रहेका छन् ।

लाभांश र साधारण सभा प्रयोजनका लागि बैंकले पुस ३ गते एक दिन बुक क्लोज गरिसकेको छ । पुस २ गतेसम्म कायम रहने शेयधरनीले प्रस्तावित लाभांश पाउनुका साथै साधारण सभामा सहभागी हुन पाउने छन् ।

साधारण सभा ड्रिमल्याण्ड गोल्ड रिसोर्ट एण्ड होटल प्रा.लि., मणिग्राम रुपन्देहीमा बिहान ११ बजेदेखि बस्नेछ ।