काठमाडौं । स्ट्याण्डर्ड चार्टर्ड बैंकले पाँच वर्ष पुरानो नगद लाभांश बुझिलिन सम्बन्धित शेयरधनीहरुलाई आग्रह गरेको छ । बैंकले सूचना जारी गर्दै आर्थिक वर्ष २०७५/७६ को नगद लाभांश बुझ्न बाँकी शेयरधनीहरुलाई बुझिलिन आग्रह गरेको हो ।

उक्त वर्ष बैंकले कर समेत २२ दशमलव ५ प्रतिशत नगद लाभांश वितरण गरेको थियो । आगामी एक महिनाभित्र कम्पनीको केन्द्रिय कार्यालय वानेश्वर, काठमाडौंमा सम्पर्क राखी आफ्नो नगद लाभांश बुझिलिन आग्रह गरेको छ ।

बैंकले तोकिएको अवधिभित्र भुक्तानी नलिएमा उक्त लाभांश लगानीकर्ता संरक्षण कोषमा जम्मा गरिने जानकारी समेत कम्पनीले दिएको छ ।