काठमाडौं । नेपाल इन्भेष्टमेन्ट मेगा बैंकको खुद नाफा ७.५२% ले बढेर चालु आर्थिक वर्षको तेस्रो त्रैमाससम्ममा ३ अर्ब २७ करोड ५२ लाख रुपैयाँ पुगेको छ । गत आर्थिक वर्षको सोही अवधिमा भने खुद नाफा ३ अर्ब ४ करोड ६१ लाख रुपैयाँ रहेको थियो ।

खुद ब्याज आम्दानी भने ४१.५३% ले बढेर ११ अर्ब ३ करोड २५ लाख रुपैयाँ पुगेको छ ।यद्दपि, इम्पेयरमेन्ट चार्ज ७० करोडबाट बढेर ३ अर्ब ४ करोड रुपैयाँ पुगेपछि सञ्चालन नाफा भने ४.३१% ले घटेको छ ।

यता, गैर सञ्चालन खर्च १ अर्ब ३० करोडबाट घटेर ७२ करोड रुपैयाँमा सीमित भएपछि खुद नाफामा केही सुधार भएको देखिन्छ ।

यस बैंकको खराब कर्जा १.९५% बाट घटेर १.१२% मा आएको छ । नेपाल इन्भेष्टमेन्ट मेगाको रिजर्भ कोष भने आकर्षक देखिएको छ ।

रिजर्भ २४ अर्ब ९४ करोडबाट बढेर २९ अर्ब ८४ करोड रुपैयाँ पुगेको छ । यता, खुद नाफामा सामान्य मात्र वद्धि हुँदा प्रतिसेयर आम्दानी भने घटेको छ ।

यसको प्रतिसेयर आम्दानी २.४० रुपैयाँले घटेर १२.८० रुपैयाँमा सीमित भएको छ । प्रतिसेयर नेटवर्थ भने १७२.५७ रुपैयाँ रहेको छ ।