माघ महिनाका लागि बैंकहरूले ब्याजदर घटाए

काठमाडौँ । बिस वटा वाणिज्य बैंकहरुले माघ महिनाका लागि नयाँ ब्याजदर निर्धारण गरेका छन । अधिकांश बैंकले ब्याजदर घटाएका छन् । पुस महिनाको तुलनामा माघमा व्यक्तिगत मुद्दति निक्षेपमा व्याजदर औसतमा ०.८२४०५ प्रतिशत र संस्थागत मुद्दतिमा औसतमा ०.७६४५५ प्रतिशतले ब्याजदर घटाएको पाइएको छ । पुस महिनामा बैंकहरूको औसत ब्याजदर व्यक्तिगततर्फ ८.९९१०५ थियो भने अब माघका लागि ८.१६७ प्रतिशत ब्याजदर निर्धारण भएको छ । त्यस्तै, संस्थागत निक्षेपतर्फ पुसमा ६.८८८०५ प्रतिशत ब्याजदर रहेकोमा अब घटेर ६.१२३५ कायम भएको छ । व्यक्तिगततर्फ २० वटा वाणिज्य बैंकमध्ये १८ वटा बैंकले ब्याजदर घटाएका छन् भने दुई वटाले ब्याजदर यथावत राखेका छन। संस्थागततर्फ पनि उही व्याजदर कायम गरेका छन ।

नेपाल एसबीआई बैंक लि।ले पुसको तुलनामा १.३५ प्रतिशत ब्याजदर घटाएको छ । एसबीआईको ब्याजदर पुसमा व्यक्तिगततर्फ ९.६ प्रतिशत थियो । तर अब माघमा ब्याजदर घटेर ८.६ प्रतिशतमा झरेको छ ।

त्यस्तै, संस्थागततर्फ पुसमा ब्याजदर ७।६ प्रतिशत रहेकोमा माघमा घटेर ब्याजदर ६.२५ प्रतिशत मात्रै कायम भएको छ । पुसको तुलनामा प्राइम कमर्सियल बैंक लि.ले १.९ प्रतिशत ब्याजदर घटाएको छ ।

त्यस्तै, कृषि विकास बैंक लि.ले ब्याजदर १.२५ प्रतिशत, लक्ष्मी सनराइज लि.ले ब्याजदर १ प्रतिशत, माच्छापुच्छ्रे बैंक लि.ले ब्याजदर १.६ प्रतिशत, सिद्धार्थ बैंक लि.ले १.१५ प्रतिशत र कुमारी बैंक लि।ले १.२ प्रतिशत ब्याजदर घटाएका छन् ।

माघ महिनाका लागि कृषि विकास बैंक लि.ले व्यक्तिगततर्फ ब्याजदर ७.२६ प्रतिशत र संस्थागततर्फ ब्याजदर ५.७६ प्रतिशत कायम गरेको छ । त्यस्तै, नेपाल बैंक लि।ले व्यक्तिगततर्फ ब्याजदर ८ प्रतिशत र संस्थागततर्फ ६ प्रतिशत ब्याजदर कायम गरेको छ ।

यसैगरी एभरेष्ट बैंक लि.ले व्यक्तिगततर्फ ब्याजदर ८ प्रतिशत र संस्थागततर्फ ब्याजदर ६ प्रतिशत, लक्ष्मी सनराइज बैंक लि.ले व्यक्तिगततर्फ ब्याजदर ८ प्रतिशत र संस्थागततर्फ ब्याजदर ६ प्रतिशत, प्रभु बैंक लि.ले व्यक्तिगततर्फ ब्याजदर ८.०६५ प्रतिशत र संस्थागततर्फ ब्याजदर ६.०६५ प्रतिशत र एनआइसी एसिया बैंक लि.ले व्यक्तिगततर्फ ८.०६५ प्रतिशत र संस्थागततर्फ ब्याजदर ६।०६५ प्रतिशत कायम राखेका छन् ।

त्यस्तै, राष्ट्रिय बाणिज्य बैंक लि.ले व्यक्तिगत तर्फ ब्याजदर ८.०७ प्रतिशत र संस्थागतर्फ ब्याजदर ६.०७ प्रतिशत, स्ट्याण्डडर्ड चाटर्ड बैंक लि.ले व्यक्तिगततर्फ ब्याजदर ८.०७ प्रतिशत र संस्थागततर्फ ५.२५ प्रतिशत व्याजदर कायम गरेका छन् ।

त्यस्तै, प्राइम कमर्सियल बैंक लि., नबिल बैंक लि., सिद्धार्थ बैंक लि. र ग्लोबल आइएमई बैंक लि.ले समान व्यक्तिगततर्फ ब्याजदर ८.१ र संस्थागततर्फ ६.१ प्रतिशत ब्याजदर कायम गरेका छन् ।