भारतिय बजारमा निकै राम्रो चर्चा पाइरहेको एमजीको विद्युतिय कार विन्डसर अपडेट भएर आउने भएको छ । ३ दिनपछि अर्थात मे ६ मा लन्च हुने तय भएको विन्डसरमा एमजीले ठूलो ब्याट्री प्याक दिएर अपडेट गर्न लागेको हो ।

विन्डसर प्रो नामले आउने सो ईभीमा ५०.६ किलोवाट आवर क्षमताको ब्याट्री प्याक उपलब्ध हुने अनुमान गरिएको छ । ब्याट्री साइज बढेपछि यसले दिने रेन्जमा समेत सुधार आउनेछ ।

एमजीले अहिले ३८ किलोवाट आवरको ब्याट्री प्याकमा विन्डसर ईभी उपलब्ध गराउँदै आएको र यसको रेन्ज ३३० किलोमिटर दाबी गरिएको छ । नयाँ भर्सनले ४६० किलोमिटरसम्म रेन्ज दिने अनुमान गरिएको छ ।

ब्याट्री बाहेक यसको सेफ्टि फिचरमा समेत ब्यापक अपडेट गर्ने जेएसडब्लु एमजीले तयारी गरेको छ । नयाँ संस्करण्मा एडिएएस लगायत अन्य आधुनिक सेफ्टि फिचर उपलब्ध हुने अनुमान गरिएको छ भने इन्टेरियरमा समेत अपडेट हुनेछ ।

एमजी विन्डसर नेपाली बजारमा समेत प्रतिक्षा गरिएको ईभी हो । एमजीको नेपालका लागि आधिकारिक वितरक पारमाउन्ट मोटर्सले यस नयाँ ईभीलाई अवको केहिसमयपछि लन्च गर्ने तयारी गरेको छ ।