काठमाडौं ।ओला इलेक्ट्रिकले आफ्नो जेनेरेसन ३ प्लेटफर्ममा आधारित नयाँ इलेक्ट्रिक स्कुटरमा काम गरिरहेको छ । कम्पनीले जनवरी २०२५ देखि सो स्कुटरको डेलिभरी सुरु गर्नेछ।

साथै कम्पनीले हालै  लन्च गरिएको एस१ सिरिजमा थप चार वटा अतिरिक्त इलेक्ट्रिक स्कुटर प्रस्तुत गर्नेछ ।

ओला इलेक्ट्रिकले अर्को वर्ष जनवरीमा निर्धारित समय भन्दा पहिले एस१ जेनेरेसन ३ को उत्पादन वितरण सुरु गर्नेछ । साथै यसको जेनेरेसन ३ आर्किटेक्चरको एक भागको रूपमा दुई सब ब्रान्ड, एस२ र एस३ पेश गर्नेछ ।

एस२ ब्रान्डका तीन वटा मोडल सन् २०२५ मा ल्याइनेछ । सहरका लागि सिटी मोडल, लामो दूरीका लागि टुरर र परफर्मेन्सका लागि स्पोर्ट मोडल ल्याइनेछ ।

एस३ सब ब्रान्डले प्रिमियम खण्डमा दुई म्याक्सी स्कुटर, ग्रान्ड एड्भेन्चर र ग्रान्ड टुरर पेश गर्नेछ। जेनेरेसन ३ मोडलमा च्यासिस भित्र एकीकृत ब्याट्री, म्याग्नेटलेस मोटर र इलेक्ट्रोनिक्स हुनेछ ।

सो नयाँ डिजाइनले परफर्मेन्समा २६ प्रतिशत सुधार र लागतमा २० प्रतिशतभन्दा बढी कमी ल्याउन सक्ने बताइएको छ ।

ओला इलेक्ट्रिकको इलेक्ट्रिक टु ह्विलर बजारमा करिब ३० प्रतिशत हिस्सा छ । कम्पनीले मार्च २०२५ सम्ममा आफ्नो खुद्रा नेटवर्कलाई २००० स्टोरमा विस्तार गर्ने योजना बनाएको छ।