सिट्रोन बेसाल्ट भारतको सबैभन्दा सुरक्षित कुपे एसयूभी बनेको छ । भारत न्यु कार एसेसेमन्ट प्रोग्राम अर्थात बीएनक्याप वा भारत एनक्यापको क्र्यास टेस्टमा सो एसयूभीले एडल्ट प्रोटेक्सन र चाइल्ड प्रोटेक्सन क्याटागोरीमा फोर स्टार सेफ्ट रेटिङ पाएको छ ।

सिट्रोन बेसाल्टका सबै भेरिएन्टमा एडल्ट सेफ्टीमा ३२ मध्ये २६.१९ र चाइल्ड सेफ्टीमा ४९ मध्ये ३५.९०  पोइन्ट प्राप्त भएको हो ।

बेसाल्ट बीएनक्यापमा टेस्ट गरिएको पाँचौ र सिट्रोनको पहिलो गाडी हो । यो भन्दा पहिले यस अन्तर्गत टाटा सफारी, ह्यारियर, नेक्सन र पन्चको क्र्यास टेस्ट भइसकेको छ । टाटाका यी सबै कारमा फाइभ स्टार सेफ्टी रेटिङ मिलेको छ ।

सिट्रोन बेसाल्ट भारतमा हालै लन्च गरिएको एसयूभी हो । नेपालमा भने यो अझै उपलब्ध छैन । यसको मूल्य भेरिएन्ट अनुसार ७ लाख ९९ हजार देखि १३ लाख ५७ हजार भारु सम्म छ । सो कार ६ वटा भेरिएन्टमा ल्याइएको छ ।

सेफ्टीका लागि यसमा ६ वटा एयरब्याग, इलेक्ट्रोनिक स्टेबिलिटी कन्ट्रोल, रियर पार्किङ रुम र टायर प्रेसर मोनिटरिङ सिस्टम जस्ता फिचर उपलब्ध गराइएको छ ।

सवारी साधनको सेफ्टी रेटिङका लागि अन्य देशमा विभिन्न परीक्षण भइरहे तापनि भारतमा भने हालै मात्र यसको सुरुवात गरिएको हो ।