आर्थिक सञ्जाल

काठमाडौं ।  लक डाउनका बेलामा पनि तातोपानी भन्सार कार्यालयले राजस्व संकलन गर्न सफल भएको छ ।  तातोपानी भन्सार कार्यालयका प्रमुख लालबहादुर खत्रीका अनुसार गत सोमबारसम्ममा चालु आर्थिक वर्षको राजश्व १ अर्ब २७ करोड २६ लाख रुपैयाँ संकलन भएको छ । गत फागुनसम्ममा १ अर्ब ८ करोड ९५ लाख राजश्व संकलन भएको थियो । गत चैत २६ गतेदेखि अहिलेसम्म १८ करोड ३१ लाख राजश्व असुली भएको छ ।

यही जेठमा मात्र १२ करोड ७५ लाख राजश्व संकलन भएको छ । सरकारले स्वास्थ्य सामग्रीको आयातमा भने भन्सार शुल्क मिनाहा गरेको छ । गत चैत २६ देखि सो भन्सार पुनः सञ्चालनमा ल्याइएको थियो ।