बेइजिङ। अमेरिका र चीनले आफ्नो तनावपूर्ण सम्बन्धलाई स्थिर बनाउने वाचा गरेका छन्। अमेरिकी विदेशमन्त्री एन्टोनी ब्लिन्केनले आफनो दुई दिने बेइजिङ भ्रमण पछि सो जानकारी दिएका हुन्।

ब्लिन्केनले प्रतिद्वन्द्वी महाशक्तिहरूबीच उच्चस्तरीय सञ्चार पुनः सुरु गर्दै सोमबार वार्ताका लागि चिनियाँ राष्ट्रपति सी जिनपिङलाई भेटेका थिए। सीले भने कि उनीहरूले प्रगति गरेका छन्, जबकि श्री ब्लिन्केनले संकेत गरे कि दुबै पक्ष थप वार्ताका लागि थप खुला छन्।

तर शीर्ष अमेरिकी कूटनीतिज्ञले भने त्यहाँ ठूलो भिन्नता रहेको छ। ‘मैले जोड दिएँ, ‘उच्च स्तरको संबाद जिम्मेवारीपूर्वक भिन्नताहरू व्यवस्थापन गर्न र प्रतिस्पर्धालाई द्वन्द्वमा नपुगोस् भनेर सुनिश्चित गर्ने उत्तम तरिका हो,’ ब्लिन्केनले तियानमेनको ग्रेट हल अफ द पिपुलमा ३५ मिनेटको बैठकपछि पत्रकारहरूलाई भने।

‘मैले मेरो चिनियाँ समकक्षीहरूबाट पनि यस्तै सुनेको छु,’ उनले भने, ‘हामी दुबै हाम्रो सम्बन्धलाई स्थिर बनाउनका लागि सहमत छौं।’

बेइजिङ र वाशिंगटन बीचको सम्बन्ध ट्रम्प युगको व्यापार युद्ध, ताइवान माथि बेइजिङको दृढ दाबी र यस वर्षको सुरुमा अमेरिकामा कथित चिनियाँ जासूस बेलुनलाई गोली हानेपछि खस्किएको थियो।

ब्लिन्केनको भ्रमण, लगभग पाँच वर्षमा शीर्ष अमेरिकी कूटनीतिज्ञद्वारा चीनमा गरिएको यो पहिलो भ्रमण हो। चिनियाँ राष्ट्रपति सीले दुई देश बिचको सम्बन्धलाई सकारात्मक दिशामा अघि बढाउनु पर्नेमा जोड दिएका छन्।

‘दुवै पक्षले प्रगति पनि गरेका छन् र केही विशेष मुद्दाहरूमा सहमतिमा पुगेका छन्,’ अमेरिकी राज्य विभागले जारी गरेको आफ्नो टिप्पणीमा भनेको छ, ‘यो धेरै राम्रो छ।’