काठमाडौं। रूसी राष्ट्रपति भ्लाडिमिर पुटिनले पूर्वी युक्रेनको डोनबास क्षेत्रमा विशेष सैनिक अभियान शुरु गर्ने घोषणा गर्नुभएको छ । एक टेलिभिजन सम्बोधनमा उहाँले युक्रेनी विद्रोही विरुद्ध प्रत्याक्रमणमा लागेका युक्रेनी सेनालाई हतियार छोडेर घर फिर्ता हुन आह्वान गर्नुभएको समाचार बीबीसीले उल्लेख गरेको हो ।

युक्रेनलाई रूसमा गाभ्ने कुनै योजना नभएको बताउँदै राष्ट्रपति पुटिनले मस्कोको आह्वानलाई कसैले बेवास्ता नगर्न चेतावनी दिनुभयो । यसअघि युक्रेन र उसको पश्चिमी गठबन्धनले रूसले युक्रेनलाई गाभ्न खोजेको आरोप लगाएका थिए ।