काठमाडौं ।माछापुच्छ्रे बैंकको चालु आर्थिक वर्षको दोस्रो त्रैमाससम्म आइपुग्दा  खुद नाफा सामान्य घटेको छ । यस अवधिमा बैंकको खुद नाफा २.३२% ले घटेर ८० करोड २७ लाख ७४ हजार रुपैयाँमा सीमित भएको छ ।

अघिल्लो वर्षको यसैअवधिमा बैंकले ८२ करोड १८ लाख ५० हजार रुपैयाँ नाफा कमाएको थियो । बैंकको वितरणयोग्य नाफा पनि २५.४१% ले घटेर ४५ करोड २२ लाख ५२ हजार रुपैयाँमा सीमित भएको छ

खुद ब्याज आम्दानी १५ लाख ५६ हजार रुपैयाँले बढेर १ अर्ब ९८ करोड ८४ लाख ३१ हजार रुपैयाँ पुगेको छ । साथै, सञ्चालन नाफा ६.४९% ले घटेर १ अर्ब १५ करोड ५१ लाख ४२ हजार रुपैयाँमा सीमित भएको छ । बैंकको प्रतिसेयर आम्दानी १७ रुपैयाँ ७३ पैसा र प्रतिसेयर नेटवर्थ १३३ रुपैयाँ ७ पैसा छ ।