काठमाडौं । नेपाल एसबिआई बैंकका ग्राहकले चिरायू नेशनल हस्पिटलमा १५ प्रतिशतसम्म छुट पाउने भएका छन् । आज नेपाल एसबिआई बैंक र चिरायू नेशनल हस्पिटलबिच बैंकका सम्पूर्ण भिसा डेबिट कार्ड प्रयोग गरे बापत हस्पिटल सेवामा १५ प्रतिशतसम्म छुट प्रदान गर्ने सम्झौता भएको हो ।

सम्झौता पत्रमा बैंकका प्रमुख व्यावसाय प्रर्बधन अधिकृत छपिराज पन्त तथा हस्पिटलका तर्फबाट निर्देशक संजिव राजभण्डारीले हस्ताक्षर गरेका हुन् । उक्त सम्झौता अनुसार बैंकका ग्राहकहरुले परिचयपत्रसहित कार्ड प्रयोग गर्दा लिने निश्चित सुबिधामा सो छुट प्राप्त गर्नेछन् ।