यामाहाले भारत मोबिलिटी ग्लोबल एक्सपो २०२५ मा एमटी ०९ एसपी प्रदर्शन गरेको थियो । सो नेकेड बाइकमा उत्कृष्ट फिचर सहित अपडेट गरिएको छ । यसको नयाँ डिजाइनका कारण सो बाइक पहिलेको तुलनामा आकर्षक देखिन थालेको छ ।

नयाँ यामाहा एमटी ०९ एसपीमा हल्का आल्मुनियम फ्रेम प्रयोग गरिएको छ। यसको अगाडि ४१ एमएम यूएसडी फोर्क र पछाडि मोनोशक जडान गरिएको छ । साथै ब्रेकिङका लागि अगाडि २९८ एमएम डिस्क ब्रेक र पछाडि २४५ एमएम डिस्क ब्रेक दिइएको छ ।

नयाँ यामाहा एमटी ०९ एसपीमा पुरानो मोडलको ८९० सीसी, इनलाइन ३ सिलिन्डर इन्जिन प्रयोग गरिएको छ । सो इन्जिनले १०००० आरपीएममा ११७ बीएचपीको पावर र ७००० आरपीएममा ९३ एनएमको टर्क जेनेरेट गर्छ। यसको इन्जिन ६ स्पिड गियरबक्ससँग जोडिएको छ।

नयाँ यामाहा एमटी ०९ एसपीको नयाँ संस्करणमा स्पोर्ट्स फंक्शनल एलईडी हेडल्यम्प र न्यूनतम बडी वर्क देख्न सकिन्छ । यसमा २ पीस स्टेप सिट र टीएफटी कलर डिस्प्ले पनि दिइएको छ । कम्पनीले यसमा स्पोर्ट, स्ट्रिट र रेन गरी तीन मोड दिएको छ ।

सेफ्टीका लागि ब्याक स्लिप रेगुलेटर, ट्रयाक्सन कन्ट्रोल, स्लाइड कन्ट्रोल सिस्टम र फ्रन्ट ह्विल लिफ्ट कन्ट्रोल सिस्टम सहितको सिक्स एक्सिस आईएमयू उपलब्ध गराएको छ ।

नयाँ यामाहा एमटी ०९ एसपी भारतमा जुन महिनामा लन्च गर्ने सम्भावना छ । भारतमा यसको मूल्य लगभग १३ लाख भारु हुने अनुमान गरिएको छ । भारतीय बजारमा यसले ट्रायम्फ स्ट्रिट ट्रिपल आरएस र डुकाटी मोन्स्टर एसपीसँग प्रतिस्पर्धा हुनेछ ।