आर्थिक सञ्जाल । बुधबार, ७ फागुन २०७६
झापा । प्रहरीको असईमा जागीर लगाई दिन्छु भन्दै नगद ठगी गरेको अभियोगमा उदयपुर त्रियुगा नगरपालिका ३ भुल्केका बिजय वाग्लेलाई झापा मेचीनगर नगरपालिका६ बाट प्रहरीले पक्राउ गरेको छ ।
वाग्लेले प्रहरीको नक्काली परिचयपत्र देखाई सोलुखुम्बु र खोटाङका २ जनालाई केही समय अगाडिदेखि नै प्रहरीको असईमा जागिर लगाई दिन्छु भन्दै दुबै जनाबाट गरी १ लाख ५० हजार रुपैयाँ ठगी गरेको सूचनाको आधारमा ईलाका प्रहरी कार्यालय काँकडभिट्टाबाट खटिएको प्रहरीले उनलाई पक्राउ गरेको हो ।
वाग्लेलाई ठगी र सरकारी कागज किर्ते मुद्धामा जिल्ला अदालत झापाको अनुमती लिई थप अनुसन्धान कार्य भइरहेको छ ।

७ फागुन २०७६, बुधवार १८:१३ बजे प्रकाशित