काठमाडौं, २९ माघ  नवलपरासी (पूर्व), कावासोती नगरपालिका ८ पूर्वपश्चिम राजमार्गबाट नियन्त्रित लागूऔषध फेनरागन ५० एम्पुल, डाईजेपाम ५० एम्पुल र आई.पि.पि.एल.५० एम्पुल सहित २ जनालाई मंगलबार दिउँसो प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले लु.२ ख ३०२ नम्बरको बस जाँच गर्ने क्रममा बसमा सवार काठमाडौं महानगरपालिका २३ का रवि राई र दोलखा भिमेश्वर नगरपालिका ११ का सुमन सुबेदीको साथमा उक्त लागूऔषध सहित फेला पारी उनीहरुलाई पक्राउ गरेको छ ।
नवलपरासी (पूर्व), कावासोती नगरपालिका १६ चालिसकिलो जंगलस्थित पूर्वपश्चिम राजमार्गबाट नियन्त्रित लागूऔषध फेनरागन ३ सय २८ एम्पुल, डाईजेपाम ३ सय २८ एम्पुल र नोर्फन ३ सय २८ एम्पुल सहित २ जनालाई मंगलबार दिउँसो प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले पश्चिमबाट पूर्वतर्फ जाँदै गरेको ना.४६ प ३४८७ नम्बरको स्कुटर जाँच गर्ने क्रममा स्कुटरमा सवार काठमाडौं महानगरपालिका २३ का दिपक थापा र चितवन भरतपुर महानगरपालिका ४ का कृष्ण कडेललाई उक्त लागूऔषध सहित फेला पारी पक्राउ गरेको छ ।
यस्तै भक्तपुर, मध्यपुर ठिमी नगरपालिका ४ चारदोबाटोबाट सिन्धुपाल्चोक यमुनाडाँडा गाउँपालिकाका राम कुमार खड्का लगायत ३ जनालाई नाईट्रोजेपाम ३ सय ३० ट्याब्लेट सहित मंगलबार साँझ प्रहरीले पक्राउ गरेको छ । लागूऔषध नियन्त्रण व्यूरो कोटेश्वरबाट खटिएको प्रहरीले उनीहरुलाई पक्राउ गरेको छ ।