काठमाडौं, १९ माघ काठमाडौं महानगरपालिका भुईखेलबाट नियन्त्रित लागूऔषध डाइजेपाम( ६ एम्पुल, फेनारगन (३९ एम्पुल, नोर्फिन ( २ एम्पुल, नगद १ हजार ५ सय रुपैयाँ र ४ थान मोबाइल सहित ओम बहादुर गुरुङ लगायत ४ जनालाई शनिबार साँझ प्रहरीले पक्राउ गरेको छ । गुरुङको डेरा कोठामा लागूऔषधको कारोवार भइरहेको भन्ने खबर प्राप्त हुना साथ महानगरीय प्रहरी वृत्त स्वयम्भूबाट खटिएको प्रहरीले कोठाबाट उक्त लागूऔषधसहित फेला पारी उनीहरूलाई पक्राउ गरेको हो । सिन्धुली, हरिहरपुरगढी गाउँपालिका ७ केमनचुलीबाट ५५ केजी अवैध लागूऔषध गाँजा सहित सोही गाउँपालिका केमनचुली भुताहाकासरोज लामा लगायत ६ जनालाई शनिबार बेलुका प्रहरीले पक्राउ गरेको छ । उक्त स्थान हुँदै अवैध लागूऔषध गाँजा लुकाई छिपाई लैजाँदै छ भन्ने खबर प्राप्त हुनासाथ प्रहरी चौकी क्यानेश्वरबाट खटिएको प्रहरीले जाँच गर्ने क्रममा ३ वटा बोरामा प्याकिंङ गरी राखेको उक्त परिमाणको लागूऔषध र ३ वटा मोटरसाइकल सहित उनीहरूलाई फेला पारी पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।