काठमाडौं । मिर्मिरे लघुवित्तले चालु आर्थिक वर्षको तेस्रो त्रैमासमा १७ करोड ४९ लाख रुपैयाँ खुद नाफा कमाएको छ । यो नाफा गत वर्षको भन्दा १८.६४ प्रतिशतले धेरै हो ।

गत वर्ष यसले १४ करोड ७५ लाख रुपैयाँ खुद नाफा कमाएको थियो । यस अवधिमा संस्थाको खुद ब्याज आम्दानी ४५.०१प्रतिशत र सञ्चालन नाफा २७.२७ प्रतिशत ले बढेको छ ।

चैत मसान्तसम्म आइपुग्दा कम्पनीको निक्षेप संकलन र कर्जा लगानीमा क्रमशः ३५.७८ प्रतिशत र ३४.४५ प्रतिशत ले विस्तार भएको छ । यसको खराब कर्जा पनि घटेर १.९४ प्रतिशत मा झरेको छ ।

मिर्मिरेको प्रतिसेयर आम्दानी भने ४ रुपैयाँ ९६ पैसाले घटेर ४४ रुपैयाँ ६९ पैसा कायम भएको छ। यसको प्रतिसेयर नेटवर्थ १८० रुपैयाँ ५४ पैसा छ ।