आर्थिक सञ्जाल मंगलबार, २७ फागुन २०७६

काठमाडौँ । मिर्मिरे लघुवित्त वित्तीय संस्थाले स्वेडा लघुवित्त वित्तीय संस्थालाई एक्वायर गर्ने भएको छ । दुवै कम्पनीले गाभ्ने–गाभिने प्रस्ताव पारित गर्न चैत १७ गते विशेष साधारण सभा बोलाएका छन् । दुबै कम्पनीले आ–आफ्नै केन्द्रीय कार्यालयमा दिउँसो १ः३० बजे साधारण सभा बोलाएका छन् । दुवैले सभाको विशेष प्रस्तावका रुपमा डीडीएका आधारमा स्वाप रेसियो पारित गर्ने, एक्वयारपछि कायम पुँजीका आधारमा हकप्रद सेयर जारी गर्ने लगायतका एजेन्डा राखिएका छन् ।

कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी प्रदान गर्ने प्रस्ताव पनि छ । प्राप्तिपछि मिर्मिरे लघुवित्त वित्तीय संस्थाको नामबाट एकीकृत कारोबार हुनेछ । प्राप्तिपछि केन्द्रीय कार्यालय बनेपामा रहनेछ । विषेश साधारण सभा प्रयोजनका लागि मिर्मिरेले चैत ७ देखि चैत १७ गतेसम्म बुक क्लोज गर्ने भएको छ ।