काठमाडौं । महिला लघुवित्त वित्तीय संस्था  लिमिटेडले  संस्थापक समूहको शेयर बिक्रीमा राखेको छ । लघुवित्तले संस्थापक समूहको नाममा रहेको कुल २ हजार कित्ता शेयर बिक्री गर्न लागेको हो ।

यो शेयर संस्थापक शेयरधनी, जोकोही व्यक्ति वा संघसंस्थाले खरिद गर्न सक्नेछन् । प्रतिकित्ता न्यूनतम मूल्य ७०० रुपियाँ तोकिएको उक्त शेयर सो वा सोभन्दा बढी मूल्य अंकित गरी बोलकबोल गर्नुपर्नेछ ।

लगानीकर्ताले शेयर  खरिद गर्दा न्यूनतम १०० कित्ता वा सम्पूर्ण  कित्ताका लागि आवेदन दिन सक्नेछन् । इच्छुक खरिदकर्ताले आज (पुस २५ गते) देखि माघ २ गतेसम्म लघुवित्तको बिक्री प्रबन्धक नेपाल एसबिआई मर्चेन्ट बैंकिङ लिमिटेड, लेखनाथमार्ग ठमेलमा आइपुगने गरी आफूले खरिद गर्न चाहेको शेयर संख्या र दररेट खुलाई गोप्य शिलबन्दी पेस गर्नुपर्नेछ ।