काठमाडौँ । कार्यकाल एक वर्ष पनि पूरा नभई विशेष अदालतमा अध्यक्ष फेरिने भएको छ । न्याय परिषद्को परामर्शमा २०८२ भदौ १३ मा अध्यक्ष नियुक्त हुनुभएका सुदर्शनदेव भट्टको सरुवा भई वासुदेव आचार्यलाई अध्यक्ष तोक्न परिषद्ले परामर्श दिएको छ । परिषद्को बिहीबारको बैठकले आचार्यलाई विशेषको अध्यक्ष तोक्न परामर्श दिने निर्णय गरेको हो ।

उच्च अदालत तुलसीपुरको बुटवल इजलासमा दरबन्दी रहेका आचार्यलाई उच्च अदालत तुलसीपुरमा सरुवा गरी विशेषमा अध्यक्ष तोक्न परामर्श दिइएको हो ।

विशेषको अध्यक्ष परिषद्को परामर्शमा मन्त्रीपरिषद्ले नियुक्त गर्ने व्यवस्था छ । विशेषमा सदस्य रहनुभएका नारायणप्रसाद पौडेललाई यथावत् राखिएको छ ।